Sovet dövründə özünü müstəqil elan etmiş ilk rəsmi Azərbaycan qəzeti: “İPƏKÇİ”!

“İpəkçi qəzetinin 20 noyabr 1990-cı il tarixli nömrəsi (№ 31–32-ci (1965–1966)) “Azərbaycan Kommunist partiyası V.İ.Lenin adına Şəki İstehsal İpək Birliyi Komitəsinin, Birlik Həmkarlar İttifaqı, Komsomol Komitələrinin və baş direktorluğun orqanı” olaraq çap edildiyi halda, qəzetin 12 dekabr 1990-cı il tarixli nömrəsi (№ 33–34 (1967–1968)) sovet mətbuatının atributu olan “Bütün ölkələrin proletarları birləşin!” şüarı olmadan, heç bir yerin orqanı olmadan “Şəki ipəkçilərinin azad tribunası” kimi çap olunmuşdur.  Bu, o dövr üçün Azərbaycan sovet mətbuatında analoqu olmayan, keçmiş SSRİ-də isə nadir hallarda təsadüf edilən bir hadisə idi...