Ədliyyə naziri  Şəkidə vətəndaşları qəbul edib?

4 apreldə Ədliyyə Nazirliyinin saytında dərc olunmuş məlumata görə nazir həmin gün Şəkidə vətəndaşları qəbul etmişdir. Vətəndaşları qəbul edə bilər, amma bizdə olan məlumatlara görə ədliyyə sistemindən 10-larla şikayətçini qəbul etməkdən imtina etmişdir. Ənənələrə görə vəzifəli şəxs üzrlü səbəbdən planlaşdırılmış qəbulda iştirak edə bilmirsə, onu müavini, yaxud köməkçisi əvəz etməli idi. Nəyin bahasına olursa olsun, qəbula yazılmış bütün vətəndaşlar qəbul edilməlidirlər. Həmin gün mümkün olmursa, növbəti gün. Qəbula dəvət edilmiş vətəndaşları qəbul etməkdən imtina Prezidentin tövsiyələrinə zidd hərəkətdir və vətəndaşların dövlətə inamını sarsıdır, prezidentə  etimadını heçə endirir, vətəndaş özünü ələ salınmış və hüquqsuz hesab edir. Çox təəssüflər olsun ki, Fərid Əhmədov həmin gün Şəkidə belə bir hərəkətə yol verdi... 

Belə yalançı qəbulları keçirməkdənsə, keçirməmək daha yaxşı olmazdımı?